«Ոսկու աշխարհ»-ի սեփականատեր Վաղարշ Աբրահամյանը դիմել է ԱԱԾ և հայտնել՝ 2009թ.-ին Գագիկ Բեգլարյանին 75 հազար դոլար կաշառք է տվել

197

«Ոսկու աշխարհ»-ի սեփականատեր Վաղարշ Աբրահամյանը դիմել է ԱԱԾ և հայտնել՝ 2009թ.-ին Գագիկ Բեգլարյանին 75 հազար դոլար կաշառք է տվել

SHAMSHYAN.com-ի տեղեկություններով՝ ՀՀ ազգային անվտանգության ծառայության քննչական վարչությունում ՀՀ քր. օր.-ի 311 հոդվածի 4-րդ մասի 2-րդ կետի հատկանիշներով հարուցվել է քրեական գործ: Ինչպես հայտնում է ֆոտոլրագրող Գագիկ Շամշյանը, նշված քրգործը հարուցվել է «Վաղարշ և որդիներ» սահմանափակ պատասխանատվությամբ ընկերության հիմնադիր Վաղարշ Աբրահամյանի՝ ժողորդին հայտնի «Ոսկու Վաղարշ» մականվամբ՝ Ոսկու շուկայի սեփականատիրոջ դիմումի փաստով: Ֆոտոլրագրողի տեղեկություններով՝ Վ. Աբրահամյանը ԱԱԾ քննչական վարչություն հայտնել է, որ իր ընկերությունը Երևան քաղաքի Անտառային փողոցի թիվ 144/3 հասցեում երբ իրականացրել է բազմաբնակարան շենքի կառուցում, այդ ժամանակ Երևանի քաղաքապետ «Չոռնի Գագո» մականվամբ՝ Գագիկ Բեգլարյանի կողմից անհիմն կասեցվելու որոշում է կայացվել և քանի որ ինքը նպատակ է ունեցել շարունակել շենքի շինարարական աշխատանքները, շինղեկի՝ ժողովրդի լեզվով ասած՝ «պռարաբի»՝ Արամ Վարդանյանի հետ իր հանգուցյալ ծանոթի միջնորդությամբ կապ է հաստատել Գ. Բեգլարյանի եղբոր՝ Յուրա Բեգլարյանի հետ ու վերջինիս միջոցով Գ. Բեգլարյանին են մաս-մաս փոխանցել 75 հազար ԱՄՆ դոլար, որից հետո շինարարության վերսկսման հետ կապված խոչընդոտները վերացել են: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

 

© shamshyan.com https://shamshyan.com/hy/article/2020/02/04/1146615/