ԲԱՑԱՌԻԿ ԿԱԴՐԵՐ։«Ես շուրջս միայն կրակ էի տեսնում»․ Պակիստանում երեկ վթարված ինքնաթիռի 99 ուղևորից փրկվել են միայն 2-ը

29

Երեկ՝ մայիսի 22֊ին, Պակիստանի Կարաչի քաղաքում վթարված ինքնաթիռի 99 ուղևորից փրկվել են միայն 2֊ը, հայտնում է BBC֊ն։ Փրկված ուղևորներից մեկը՝ Մուհամադ Զուբաիրը, պատմել է կատարվածի մասին։ Նրա խոսքով՝ ինքնաթիռը պատրաստվում էր վայրէջք կատարել 10-15 րոպե հետո, և ոչ ոք չէր սպասում, որ ամեն ինչ այսպես կավարտվի։

Զուբաիրը ընդամենը մի քանի չնչին վնասվածքներ է ստացել։ «Ոչ ոք չգիտեր, որ ինքնաթիռը կարող է կործանվել։ Այն սահուն ու հանգիստ էր ընթանում։ Այնուհետև ես ոչ ոքի չէի կարողանում տեսնել այդ համատարած կրակների մեջ։ Միայն բղավոցներ էի լսում։ Շուրջս ամեն ինչ այրվում էր։

Հետո ես ցած նետվեցի մոտ 3 մետր բարձրությունից, որպեսզի կարողանամ ներքև հասնել»,֊ ասել է փրկված ուղևորը։